Վերջին տարիներին նկատվող հանրապետության տնտեսության էական զարգացումը հանրությունից պահանջում է առավել ուշադիր լինել շրջակա միջավայրի պահպանության հարցերում:
Բնության պահպանության գործառույթները թեև օրենսդրորեն մեր նախարարությանն են վերապահված, այնուամենայնիվ կենսական նշանակություն ունեցող այդ խնդիրն անհնար է կարգավորել առանց հասարակության ակտիվ մասնակցության և աջակցության:
Նախարարության ինտերնետային կայքը նպատակ ունի հանրությանը տեղեկացնել բնության պահպանության ուղղությամբ նախարարությունում կատարվող աշխատանքների, նախաձեռնությունների մասին: Այն նաև կոչված է բնապահպանական որոշումների ընդունման գործընթացին հասարակության մասնակցությանը, ինչպես նաև տեղեկությունների տրամադրման մատչելիության ապահովմանը:
Ակնկալում եմ նաև բնության պահպանությամբ մտահոգ հասարակական լայն շերտերի ակտիվությունը, թե կայքի, թե անմիջական շփումների միջոցով, համատեղ ուժերով լուծելու համար մեր երկրի բնապահպանական հիմնախնդիրները:
