Սևանա լճի ափամերձ տարածքների մաքրման աշխատանքները կշարունակվեն

20-05-2013

ՀՀ բնապահապանության նախարար Արամ Հարությունյանն այսօր այցել է Գեղարքունիքի մարզ՝ Սևանա լճի ափամերձ տարածքների մաքրման աշխատանքների ընթացքին ծանոթանալու համար: Արամ Հարությունյանին զեկուցել են մինչ օրս իրականացված աշխատանքների ծավալների վերաբերյալ: Սևանա լճի ափամերձ տարածքների մաքրումն իրականացվում է ՄԱԿ-ի զարգացման ծրագրի և ՀՀ պետական բյուջեի միջոցներով: Շրջայցին մասնակցել են նաև 2013թ. մաքրման աշխատանքների համար հայտարարված մրցույթի հաղթող կազմակերպության ներկայացուցիչները: Նախարարը հանձնարարել է արագացնել մաքրման աշխատանքների ընթացքը: ՙԵթե անհարաժեշտություն կա, որ նախարարությունը միջամտի աշխատանքների ընթացքին, մենք պատրաստակամ ենք օժանդակել ավելի սեղմ ժամկետներում մաքրման աշխատանքներն ավարտին հասցնելու համար՚,- նշել է նախարար Հարությունյանը: Աշխատանքներն իրականացնող կազմակերպությունը պարտավորվել է 15 օրյա հաճախականությամբ զեկուցել կատարված աշխատանքների մասին:

Գեղարքունիքի մարզ կատարած այցի շրջանակներում Արամ Հարությունյանն այցելել է հանրային լողափեր՝ տեղում ծանոթանալու իրավիճակին: Այս տարի հանրային լողափերը կբացվեն հունիս ամսի երկրորդ կեսին: Նախարարը հանձնարարականներ է տվել ՙՍևան՚ ազգային պարկ՚-ի տնօրինությանը հետևել բարեկարգման աշխատանքներին:

ՙԱյս տարի պետք է ապահովենք ավելի հարմարավետ պայմաններ մեր հանգստացողների համար՚,- ասել է Արամ Հարությունյանը:

ՀԱՅՏԱՐԱՐՈՒԹՅՈՒՆՆԵՐ

2021-03-04
Մշակվում է «Լիդիան» ՓԲԸ-ի՝ Վայոց ձորի մարզի Ջերմուկ համայնքի վարչական տարածքում Ամուլսարի ոսկեբեր քվարցիտների հանքավայրի  շահագործման համար Արփա գետից 41.3 լ/վ ջրաքանակով արդյունաբերական նպատակով ջրառի ջրօգտագործման թույլտվության նախագիծը
2021-03-04
«Դեմեր» ՍՊԸ-ի կողմից ներկայացված՝ Կոտայքի մարզի Արամուսի բազալտների հանքավայրի «Դեմեր-1» տեղամասի օգտակար հանածոյի արդյունահանման աշխատանքների հանրային քննարկումների վերաբերյալ
2021-03-04
«Ռուբեն Էդվինա» ՍՊԸ-ի կողմից ներկայացված՝ Լոռու մարզի Ղուրսալի Խաչակապի ԱԿԽ-ի «Ղուրսալի 3-րդ» տեղամասի հարավային թևի հանքավայրի հանքարդյունահանման աշխատանքների հանրային քննարկումների վերաբերյալ
Բոլորը
<
>