ՀՀ բնապահպանության նախարար Արամայիս Գրիգորյանն ընդունել է ԵԱՀԿ Երևանյան գրասենյակի ղեկավարին

13-06-2014

ՀՀ բնապահպանության նախարար Արամայիս Գրիգորյանն այսօր` հունիսի 13-ին ընդունել է ԵԱՀԿ Երևանյան գրասենյակի ղեկավար, դեսպան Անդրեյ Սորոկինին և ԵԱՀԿ Երևանյան գրասենյակի տնտեսական և բնապահպանական հարցերի բաժնի ղեկավար Թոմաշ Դեմսկուն:

Հյուրերը շնորհավորել են նորանշանակ նախարարին: Անդրեյ Սորոկինը հետագա արդյունավետ համագործակցության հույս է հայտնել` ընդգծելով երկու կառույցների միջև ունեցած տարիների համագործակցության և հաջողությամբ իրականացված ծրագրերի փորձը:

Նախարարը ողջունել է հյուրերին, շնորհակալություն հայտնել շնորհավորանքի համար և հավաստիացրել, որ ՀՀ բնապահպանության նախարարության և ԵԱՀԿ Երևանյան գրասենյակի միջև կշարունակվի արդյունավետ համագործակցութունը:

Հանդիպման ընթացքում քննարկվել են համագործակցության հիմնական ուղղությունները և զարգացման հեռանկարները: Ձեռք են բերվել պայմանավորվածություններ` համագործակցության շրջանակները հստակեցնելու ուղղությամբ:

Դեսպանը շնորհակալություն է հայտնել ջերմ ընդունելության համար և պատրաստակամություն հայտնել սեփական գործունեությամբ ամրապնդել և զարգացնել կողմերի միջև համագործակցությունը:

 

ՀԱՅՏԱՐԱՐՈՒԹՅՈՒՆՆԵՐ

2020-09-25
«Վիա Գրուպ» ՍՊԸ Երևան քաղաքի Մալաթիա-Սեբաստիա վարչական շրջանի Լենինգրադյան փող. հ.23/2 և 23/10 հասցեում բնակելի շենքերի կառուցման շրջակա միջավայրի վրա ազդեցության նախնական գնահատման վերաբերյալ
2020-09-24
«Սյուզի Հրաչյա» ՍՊԸ-ի կողմից ներկայացված՝ Գեղարքունիքի մարզի Ձորագյուղի /Ծակքարի/ պեռլիտային ավազների հանքավայրի հաշվետվության փաթեթի հանրային քննարկումների վերաբերյալ
2020-09-24
«ՄայՖորեսթ.ԷյԷմ» ԲՀ կազմակերպության կողմից Ջրաշեն համայնքի տարածքում նախատեսվող անտառհիմնման աշխատանքների նախնական գնահատման հայտի հանրային քննարկման վերաբերյալ
Բոլորը
<
>