ՀՀ ԲՆ էկոտուրիզմի տեղեկատվական կենտրոնը INTOUREXPO 3-րդ միջազգային տուրիստական էքսպո-ցուցահանդեսին ներկայացրել է Հայաստանի բնության հատուկ պահպանվող տարածքները

18-04-2016

Սույն թվականի ապրիլի 15-ին մեկնարկել է <> 3-րդ միջազգային մասնագիտացված ցուցահանդեսը, որը տևելու է մինչև ս.թ. ապրիլի 17-ը:

ՀՀ Կառավարության, ՀՀ Էկոնոմիկայի նախարարության և ԼՂՀ Էկոնոմիկայի նախարարության աջակցությամբ իրականացվող ցուցահանդեսի նպատակն է նպաստել տուրիզմի զարգացմանը, խթանել ներգնա տուրիզմը Հայաստանում և Լեռնային Ղարաբաղի Հանրապետությունում:

Ցուցահանդեսին ներկայացված է նաև ՀՀ բնապահպանության նախարարության Էկոտուրիզմի զարգացման բաժինը, որի նպատակն է խթանել էկոզբոսաշրջությունը ՀՀ բնության հատուկ պահպանվող տարածքներում: Բացման արարողության ընթացքում ՀՀ բնապահպանության նախարարի տեղակալ Խաչիկ Հակոբյանը նշել է.<<ՀՀ տարածքի շուրջ 13%-ը բնության հատուկ պահպանվող տարածքներ են՝ ազգային պարկեր, արգելոցներ և արգելավայրեր, որոնք ներկայացնում են մեր երկրի հարուստ կենսաբազմազանությունը և շատ գրավիչ են էկոզբոսաշրջության և վայրի բնության սիրահարների համար: Մեր ներուժի արդյունավետ օգտագործումը կարող է ներգնա տուրիզմի և տնտեսության զարգացման, տուրիստական նոր հոսքերի ներգրավման հիանալի նախապայման դառնալ Հայաստանի և Արցախի համար>>:

Ցուցահանդեսը հնարավորություն է տալիս բացահայտելու տուրիստական ծառայությունների ամբողջ ոլորտը` շրջագայությունների կազմակերպում ամբողջ Հայաստանում, Լեռնային Ղարաբաղոում և աշխարհի տարբեր երկրներում, ավիափոխադրումեր, հյուրանոցների ամրագրում և այլն: Ցուցահանդեսին ներկայացված են զբոսաշրջության ոլորտի տասնյակ առաջատար կազմակերպություններ Հայաստանից, Լեռնային Ղարաբաղից, Իսպանիայից, Եգիպտոսից, Իսրայելից, Ռուսաստանից, Իրանից և այլ երկրներից:

 

<
>