<<Դիլիջան>> ազգային պարկում իրականացրել են միջոցառում՝ նվիրված Երկրի միջազգային օրվան

27-04-2017

2017թ-ի ապրիլի 22 –ին, ՀՀ բնապահպանության նախարարությունը ՀՀ ԳԱԱ ԵԳԻ երկրաբանական թանգարանի հետ համատեղ <<Դիլիջան >> ազգային պարկում իրականացրել են միջոցառում՝ նվիրված Երկրի միջազգային օրվան, որին մասնակցում էին Հայաստանի տարբեր ԲՈՒՀ-երի շուրջ 50 ուսանող-բնապահպաններ, ինչպես նաև մի քանի դպրոցների աշակերտներ և մանկավարժներ: Միջոցառումը սկսվել է ՀՀ բնապահպանության նախարարի տեղակալ Խ. Հակոբյանի ելույթով, ով ողջունել է բոլոր մասնակիցներին և ներկայացրել օրվա խորհուրդը: Հանդիպումը շարունակվել է ՀՀ բնապահպանության նախարարության համապատասխան մասնագետների մասնակցությամբ էկոկրթական դասընթացով, որի շրջանակներում հարց ու պատասխանի միջոցով քննարկվել են այնպիսի թեմաներ, ինչպիսիք են օզոնային շերտի հիմնախնդիրը և պաշտպանությունն ուլտրամանուշակագույն ճառագայթներից, ջրային ռեսուրսները, կենսաբազմազանությունը և այլն: Դասընթացի ավարտին բոլոր մասնակիցներին բաժանվել են տեղեկատվական գրքույկներ: Հանդիպումը եզրափակվել է Երկրաբանական թանգարանի տնօրեն Գայանե Գրիգորյանի ելույթով՝ նվիրված «Ջրի համաշխարհային օրը մշակույթների խաչմերուկում, 2017թ» խորագրով մեկ այլ միջոցառման աշխատանքների ամփոփմանը, որին ևս մասնակցել էին ներկա գտնվող ուսանողները, և հավաստագրերի և հուշանվերների հանձնման արարողությամբ:

<
>