Բնապահպանության նախարարն ապրիլի 25-27-ը Չինաստանում կմասնակցի գոտի և ճանապարհ միջազգային համագործակցության համաժողովին

23-04-2019

Բնապահպանության նախարար Էրիկ Գրիգորյանը 2019թ. ապրիլի 25-27-ն աշխատանքային այցով կմեկնի Չինաստանի Ժողովրդական Հանրապետություն՝ մասնակցելու Պեկինում տեղի ունենալիք Գոտի և ճանապարհ միջազգային համագործակցության համաժողովին, որի շրջանակներում կանցկացվի նաև «Կանաչ Մետաքսի ճանապարհ» երկրորդ թեմատիկ ֆորումը և կտրվի «Կանաչ գոտիների և Ճանապարհների Կանաչ Զարգացման Միջազգային Կոալիցիայի» մեկնարկը:
Միջոցառմանը կմասնակցեն 40 երկրի ղեկավարներ և 160-ից ավելի բարձրաստիճան այլ պաշտոնյաներ, միջազգային կազմակերպությունների ղեկավարներ և հյուրեր: Միջոցառումների շրջանակներում տեղի կունենան երկրների կառավարությունների ներկայացուցիչների մասնակցությամբ կլոր սեղաններ, բարձրաստիճան հանդիպումներ, կայուն զարգացմանը, կանաչ տեխնոլոգիաների ներդրմանը, կանաչ էներգիային, գլոբալ կլիմայական կառավարմանն ու կենսաբազմազանության պահպանմանը նվիրված 12 թեմատիկ հանդիպումներ։ Ֆորումի նպատակն է բնապահպանական քաղաքակրթության և զարգացման վերաբերյալ հայեցակարգերի և պետությունների փորձի փոխանակման միջոցով Կայուն զարգացման 2030 օրակարգի իրականացումը: 
Բնապահպանության նախարար Էրիկ Գրիգորյանը հանդես կգա ելույթով։ Միջոցառման շրջանակներում նախատեսվում են նախարարի երկկողմ հանդիպումները Չինաստանի էկոլոգիայի և շրջակա միջավայրի նախարարի և Անտառային ազգային գործակալության ղեկավարի հետ։ Նախատեսվում է նաև «Հայաստանի Հանրապետության բնապահպանության նախարարության և Չինաստանի Ժողովրդական Հանրապետության Էկոլոգիայի և շրջակա միջավայրի նախարարության միջև բնապահպանության ոլորտում համագործակցության վերաբերյալ» փոխըմբռնման հուշագրի ստորագրման արարողություն:
 

ՀԱՅՏԱՐԱՐՈՒԹՅՈՒՆՆԵՐ

2019-08-22
Մշակվում է ոռոգման նպատակով «Արտաշատ» ՋՕԸ-ի՝ Շահումյան, Այգեստանի, Այգեպատի, Կանաչուտի և Վանաշեն համայնքներոււմ ջրառների  ջրօգտագործման թույլտվությունների  նախագծերը
2019-08-21
«Արմենիա Վայն Գործարան» ՍՊԸ գրասենյակային շինության և հանգստի կենտրոնի կառուցման վերաբերյալ
2019-08-21
<<Վարտուֆ>> ՍՊԸ Կողեսի գաբրո-սիենիտների հանքավայրի արդյունահանման վերաբերյալ
Բոլորը
<
>