Շրջակա միջավայրի նախարար Էրիկ Գրիգորյանն այսօր հանդիպել է Բելառուսի Հանրապետության անտառային տնտեսության նախարար Վիտալի Դրոժժայի հետ։ Հանդիպման ընթացքում քննարկվել են մի շարք հարցեր, որոնք մեծամասամբ վերաբերվում էին անտառվերականգնման, անտառկառավարման և անտառտնկման աշխատանքներին։ Նախարար Գրիգորյանը Վիտալի Դրոժժային է ներկայացրել «10Մ» ծրագիրը, որի շրջանակում Հայաստանում հոկտեմբերի 10-ին նախատեսվում է տնկել 10 միլիոն ծառ։ Նախարար Գրիգորյանը կարևորել է բելառուս գործընկերների հարուստ փորձի փոխանցումը հայկական կողմին։ Վիտալի Դրոժժան պատրաստակամություն է հայտնել աջակցել Հայաստանին ինչպես փորձի փոխանցմամբ, այնպես էլ անտառվերականգնման աշխատանքների մյուս փուլերում։
Նշենք, որ Բելառուսի Հանրապետության ողջ տարածքի ավելի քան 40 տոկոսն անտառածածկ է։ Անտառային աշխատանքներում ներգրավված են մոտ 35․000 աշխատակիցներ։ Ներկայացնելով Բելառուսի ձեռքբերումներն անտառվերականգնման աշխատանքներում, նախարար Դրոժժան ընդգծել է նաև, որ Բելառուսում տարեկան տնկվում է մոտ 200 միլիոն ծառ։ Հիշեցնենք, որ վաղը՝ մարտի 13-ին, Գեղարքունիքի մարզում տեղի կունենա հայ-բելառուսական «Բարեկամության անտառի» բացման արարողությունը։
Անտառի տնկման համար Բելառուսը Հայաստանին էր տրամադրել 50000 տնկի և մասնագիտական օգնություն։ Բացման արարողության ժամանակ տեղի կունենա նաև ծառատունկ, որին կմասնակցեն շրջակա միջավայրի նախարար Էրիկ Գրիգորյանը, Էկոնոմիկայի նախարար Տիգրան Խաչատրյանն ու Բելառուսի Հանրապետության անտառային տնտեսության նախարար Վիտալի Դրոժժան։
Բնապահպանության և
ընդերքի
տեսչական մարմին
Թեժ գիծ` 119
Հեռ. (+374 10) 55 20 62
Տեղեկատվության
տրամադրում
Հետադարձ կապ
նախարարության
պատասխանատուների հետ
ԾԱՆՈՒՑՈՒՄ
2018 թվականի մարտի 23-ին ընդունված <<Պետական կառավարման համակարգի մարմինների մասին>> ՀՀ օրենքով Բնապահպանության և ընդերքի տեսչական մարմինը սահմանվել է Կառավարությանը ենթակա մարմին, ուստի քաղաքացիներն իրենց ահազանգերը և դիմումները կարող են ուղարկել տեսչական մարմնի ղեկավարին /Հասցե՝ ք. Երևան 3750009, Կորյունի փողոց 15, հեռ՝ (+374 15) 48 48 48/։
Բնապահպանական
օրացույց