ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ

Հունվարի 31-ին՝ ժամը 11։00-ին, տեղի կունենա շրջակա միջավայրի նախարարության և Եվրոպական միության համաֆինանսավորմամբ վերանորոգված և նոր սարքավորումներով հագեցած «Շրջակա միջավայրի մոնիթորինգի և տեղեկատվության կենտրոն» ՊՈԱԿ-ի (ՇՄՄՏԿ) լաբորատորիայի բացման պաշտոնական արարողությունը։

Սիրելի` հայրենակիցներ
Շրջակա միջավայրի նախարարության ողջ անձնակազմը շնորհավորում է բոլորիս՝ Բանակի 28-ամյակի կապակցությամբ:
Ազգային բանակը ստեղծվել է տասնյակ հազարավոր հայորդիների սխրանքի, անձնուրաց պայքարի, նվիրվածության ու հերոսության, հայ ժողովրդի միասնական ջանքերի շնորհիվ: Մեր զինված ուժերը գործով են ապացուցել իրենց մարտունակությունը, դարձել տարածաշրջանային անվտանգության ու կայունության կարևոր գործոն։ Հայոց բանակն այսօր էլ շարունակում է վստահորեն ու պատվով կատարել իր առջև դրված խնդիրները:

ԱԺ-ն առաջին ընթերցմամբ ընդունեց <<Օզոնային շերտը քայքայող նյութերի մասին>>  և  <<Վարչական իրավախախտումների վերաբերյալ>> օրենսգրքում լրացում և փոփոխություն կատարելու մասին» օրենսդրական փաթեթը

Շրջակա միջավայրի նախարարությունն ԱԺ-ում համապատասխան օրենսդրական փաթեթը ներկայացնում էր նախարարի տեղակալ Իրինա Ղափլանյանը: 
Արգելքը կտարածվի այն երկրների վրա, որոնք արտադրում են օզոնը քայքայող նյութեր և որոնք չեն ստորագրել Մոնրեալի եւ Վիեննայի կոնվենցիաները: Կարգելվի նաև այդ երկրներ համանման նյութերի արտահանումը։ 

Շրջակա միջավայրի նախարարությունում տեղի է ունեցել քննարկում TAIEX փորձագիտական առաքելության շրջանակներում

Ս.թ. հունվարի 20-24-ը շրջակա միջավայրի նախարարությունում տեղի է ունեցել TAIEX փորձագիտական առաքելության սեմինար-քննարկումը, որի շրջանակներում փորձագետների կողմից ներկայացվել են ԵՄ թիվ 2003/4/, 2003/35 հրահանգները՝ կապված բնապահպանական տեղեկատվության հասանելիության, հանրային մասնակցության և արդար դատաքննության իրավունքի հետ։

<<Կանաչ կլիմայի>> հիմնադրամը հաստատել է <<Կանաչ  ֆինանսավորման գործիքների ընդլայնումը Հայաստանի Հանրապետությունում>> դրամաշնորհային ծրագրի ֆինանսավորումը

Շրջակա միջավայրի նախարարության նախաձեռնությամբ «Կանաչ կլիմայի» հիմնադրամը հաստատել է «Կանաչ ֆինանսավորման գործիքների ընդլայնումը Հայաստանի Հանրապետությունում» դրամաշնորհային ծրագրի ֆինանսավորումը, որի շրջանակում իրականացնող մարմին է ընտրվել <<ԱրմՍվիսԲանկ>> ՍՊԸ-ն։

Պոլիէթիլենային տոպրակների օգտագործումը կարգելվի

Շրջակա միջավայրի նախարարության առաջարկած օրենսդրական փոփոխությունը 2022 թվականի հունվարի 1-ից ուժի մեջ կմտնի։
ՀՀ կառավարության նիստում այսօր ընդունվել է«Առևտրի  և  ծառայությունների մասին Հայաստանի Հանրապետության օրենքում լրացումներ կատարելու մասին» շրջակա միջավայրի նախարարության կողմից ներկայացված օրենքի նախագիծը։ 

Շրջակա միջավայրի նախարար Էրիկ Գրիգորյանն ընդունել է ԵՄ պատվիրակությանը

Շրջակա միջավայրի նախարար Էրիկ Գրիգորյանն ընդունել է ԵՄ պատվիրակությանը՝ Հայաստանում ԵՄ պատվիրակության ղեկավար, դեսպան տիկին Անդրեա Վիկտորինին և աշխատանքային այցով Հայաստանում գտնվող Եվրոպական հանձնաժողովի հարևանության և ընդլայնման բանակցությունների գլխավոր տնօրինության՝ Հայաստանի հետ գործընկերության հարցերով բաժնի ղեկավար Վասիլիս Մարագոսին։