ՇՐՋԱԿԱ ՄԻՋԱՎԱՅՐԻ ՆԱԽԱՐԱՐԻ ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐՈՂ ՎԱՀԵ ՋԻԼԱՎՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ
Շրջակա միջավայրի միջազգային օրվա կապակցությամբ
Հարգելի՛ հայրենակիցներ
Այսօր շրջակա միջավայրի միջազգային օրն է։
Այն պարզապես խորհրդանշական տոն չէ, այլ հիշեցում, որ մարդկությունը կանգնած է բնապահպանական լուրջ մարտահրավերների առաջ։
Այդ մարտահրավերներն անմիջականորեն ուղղված են աշխարհի բոլոր պետություններին, ամեն ազգությանը, յուրաքանչյուր անհատին։
Այսօր ողջ համաշխարհային հանրությունը ի մի է բերում բնության պահպանությանն ու պաշտպանությանն ուղղված անելիքները՝ միասնական ուժերը ներդնելով շրջակա միջավայրի պահպանության գործին։
Մարդու վարքագծի փոփոխությունը, նոր մշակույթի ձևավորումը, ավելի պատասխանատու մոտեցումը թույլ կտա նվազեցնել բնության վրա մարդածին ճնշումն ու պահպանել մոլորակի հարուստ կենսաբազմազանությունը՝ հանուն ապագա սերունդների։
Հայաստանի Հանրապետության կառավարությունը վերջին երկու տարիների ընթացքում իրականացրել է ծավալուն աշխատանքներ՝ համաշխարհային ու տեղական մարտահրավերներին դիմակայելու համար։
Շրջակա միջավայրի նախարարության ջանքերի շնորհիվ անհամեմատ կարգավորվել է շրջակա միջավայրին վերաբերող օրենսդրական դաշտը։ Նախարարության աշխատանքներն ուղղվել են կենսառեսուրսների արդյունավետ կառավարմանը, անտառպահպանությանը, կենսաբազմազանության ու էկոհամակարգերի վերականգնմանը, ջրային ռեսուրսների կառավարման արդյունավետության բարձրացմանը, համակարգի հանդեպ վերաբերմունքի վերարժեքավորմանն ու մեր հայրենակիցների մեջ պատասխանատու վարքի ձևավորմանն ու ամրապնդմանը։
Այս աշխատանքը իրականացվել է ամենօրյա ու ամենժամյա ռեժիմով, չնայած բոլոր դժվարություններին և անլուծելի թվացող խնդիրներին։
Կատարված աշխատանքի պտուղները տեսանելի ու շոշափելի կլինեն տարիներ անց, քանզի բնության ու էկոհամակարգերի վերականգնման համար անհրաժեշտ է ամենժամյա աշխատանք։ Ամեն դեպքում բանաձևը գտնված է։
Մարդկության համար անգամ այս ծանր ժամանակահատվածում մենք պարտավոր ենք առավել, քան երբևէ հոգ տանել բնությանը, դրսևորել պատասխանատվություն՝ այն հետագա սերունդներին մաքուր, ծաղկող ու անվնաս փոխանցելու համար։
Այս տարի տոնն անցնում է «Բնության ժամանակն է» կարգախոսով։
Առողջ լինենք և առողջ պահենք Երկիր մոլորակի բնությունը, չէ որ՝ ամեն ինչ փոխադարձ է։
Այսօր շրջակա միջավայրի համաշխարհային օրն է
Հունիսի 5-ի ամսաթիվն ընտրվել է ի հիշատակ Ստոկհոլմի հանձնաժողովի աշխատանքների սկսման, որի մտահոգությունն է մարդու շրջակա միջավայրի խնդիրները։
«Բնության ժամանակն է»՝ այսպիսին է 2020-ի կարգախոսը:
Յուրաքանչյուր տարի սահմանվում է թեման և կարգախոսը, ընտրվում է հիմնական միջազգային միջոցառումների անցկացման վայրը։
Եղանակը Հայաստանում
Առաջիկա 5 օրվա եղանակի կանխատեսում (05.06-10.06.2020)
Հանրապետության տարածքում՝ Հունիսի 5-ին՝ առավելապես հյուսիսային շրջաններում, 6-ին շրջանների զգալի մասում, 9-10-ին առանձին շրջաններում կեսօրից հետո սպասվում է կարճատև անձրև և ամպրոպ, ամպրոպի ժամանակ` քամու ուժգնացում 15-20մ/վրկ: Հունիսի 7-8-ին սպասվում է առանց տեղումների եղանակ: Քամին հարավ-արևմտյան՝ 3-8 մ/վրկ: Օդի ջերմաստիճանն էապես չի փոխվի:
Երևան քաղաքում՝
Հունիսի 5-ի ցերեկը, 7-10-ին սպասվում է առանց տեղումների եղանակ: Հունիսի 6-ին` օրվա երկրորդ կեսին սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 15-17մ/վրկ:
Ստեփանավանի «Սոճուտ» դենդրոպարկի տնօրենը պարգևատրվեց Երախտագիտության մեդալով
Հայաստանի Հանրապետության նախագահ Արմեն Սարգսյանի հրամանագրով, շրջակա միջավայրի միջազգային օրվա առիթով, Բնապահպանության բնագավառում ներդրած նշանակալի ավանդի համար «Արգելոցային համալիր» ՊՈԱԿ-ի Ստեփանավանի «Սոճուտ» դենդրոպարկ»-ի տնօրեն Վիտալի Լեոնովիչը պարգևատրվեց Երախտագիտության մեդալով։
Վիտալի Լեոնովիչին մեդալն այսօր հանձնեց շրջակա միջավայրի նախարարի տեղակալ Վարդան Մելիքյանը։
Հոդվածին կարող եք ծանոթանալ այստեղ՝
Հայկական մուֆլոնը՝ Զանգեզուր կենսոլորտային համալիրում
Հերթական ձեռքբերումը, որն արձանագրվեց բնության հատուկ պահպանվող տարածքներում իրականացված երկարատև ու քրտնաջան աշխատանքների շնորհիվ։
Եղանակը Հայաստանում
Առաջիկա 5 օրվա եղանակի կանխատեսում (04.06-09.06.2020)
Հանրապետության տարածքում՝
Հունիսի 4-ի ցերեկը, 7-9-ին սպասվում է առանց տեղումների եղանակ: Հունիսի 5-ին՝ առավելապես հյուսիսային շրջաններում, 6-ին շրջանների զգալի մասում կեսօրից հետո սպասվում է կարճատև անձրև և ամպրոպ, ամպրոպի ժամանակ` քամու ուժգնացում 15-20մ/վրկ: Քամին հարավ-արևմտյան՝ 3-8 մ/վրկ: Օդի ջերմաստիճանն էապես չի փոխվի:
Երևան քաղաքում՝
Հունիսի 4-ին, 7-9-ին սպասվում է առանց տեղումների եղանակ: Հունիսի 6-ին` օրվա երկրորդ կեսին սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 15-17մ/վրկ:
Եղանակը Հայաստանում
Առաջիկա 5 օրվա եղանակի կանխատեսում (03.06-08.06.2020)
Հանրապետության տարածքում՝
Հունիսի 3-ին և 6-ին շրջանների զգայի մասում, 5-ին առավելապես հյուսիսային շրջաններում կեսօրից հետո սպասվում է կարճատև անձրև և ամպրոպ, ամպրոպի ժամանակ ' քամու ուժգնացում 15-20մ/վ: Հունիսի 4-ին, 7-8-ին սպասվում է առանց տեղումների եղանակ: Քամին հարավ արևմտյան 3-8 մ/վրկ: Օդի ջերմաստիճանն էապես չի փոխվի:
Երևան քաղաքում՝
Հունիսի 3-ին, 6-ին' օրվա երկրորդ կեսին, սպասվում է կարճատև անձրև և ամպրոպ: Հունիսի 4-5-ին, 7-ին սպասվում է առանց տեղումների եղանակ:
Տեղեկատվության
